ماهو التسليك بالمعنى الحقيقي

من طرف **bo0ota** الجمعة مايو 08, 2009 8:08 pm

اليوم نبي نطلع عن المواضيع الروتينيه يعني مآرآح اجيب قصه كآلعآده علشان محد يطفش ولا راح اكتب موضوع عن السحالي والتماسيح وينا فيه حديقة حيوآنات وانتم بالكرامة

اليوم نبي نتكلم عن شي في حيآتنآ اليوميه وراح آعطيكم مواعض عنه طبعا مآراح اتكلم عن التدخين والمخدرات وذي القروشه بالعكس راح اتكلم عن شي يستانس عليه الشعب السعودي راح نتكلم عن التسليكـ التسليكـ في المجتمع السعودي شي وآجب لكن لازم يكون بحدود مو زي اللي انا شايفه . . يعني الانسان مو مشكله يسلكـ لكن لايسلك وآجد علشان مايتعب وهو يعطي العالم جوهم

التسليكـ : هو ان تعطي المتحدث جوه يعني تمشيله وتحسسه انك مهتم ومتحمس لسالفته وانت منتب لمه او دآري انه تسذوب او سآمج

فيه احكام لـ التسليكـ . . خلنا ناخذها بالترتيب

1- تسليكـ واجب [ هذا التسليكـ لما ابوك ولا امك قاعدين يذبون وانت لازم تضحك وتسلكلهم غصب . . حتى لو كآنت الذبه سامجه لكن واجب تضحك لان لو ماضحكت يعتبر من عقوق الوالدين ]

2- تسليكـ واجب آخر [ مثلا لو خويك قاعد يتهاوش هو وواحد ثاني وجاء خويك وذب ذبه على اللي يتهاوش معه . . في ذا الوقت واجب انك تضحك حتى لو كانت الذبه سامجه لانه خويكـ ] (( ياما سويتها ذي ولا لا يا فصوليا وكموشه ؟ ))

3- تسليكـ مستحب [ هذا لما تقابل واحد من زمان ماشفته او تقابل واحد اول مره تشوفه او واحد توكـ متعرف عليه وقال لك نكته . . المستحب انكـ تسلكله حتى لو هي سآمجه ]

4- تسليكـ فرض كفايه [ هذا لما يشرح المدرس درس واجب على الطلاب يسلكون له حتى لو مافهمو الشرح علشان يخلص بسرعه . . فلو سلكـ طالب واحد سقط التسليكـ عن الطلاب الباقين ] هذي التسليكه عند العيال الزاحفين

5- تسليكـ حرآم [ هذا لما خويك او اي واحد يقعد ينكت على العالم ويذب عليهم من وراهم وانت تضحك وتسلكله هذا يعتبر حرآم لانه من الغيبه ] هذي التسيكلة عند البنات يوه حدث ولا حرج

يعني فيه شي يخليك تترك التسليك وتقعد تزبد لـ العالم . . مثلا واحد دايم يفقش عليك ويعطيك من الرخيص وانت عارف انه تسذوب بس تسلكله . . عاد انت طفحت من كثر ما يكذب . . في هذي الحاله اتركـ التسليكـ

واقعد ازبدله وقله مع احترامي لك انت كذاب << بالله وين الاحترام فيه . . يعني هذا النوع ماينفعله الا التزبيد انت سلكله في البدآيه بس اذا شفته زودها علطول ازبدله

التسليكـ شي حلو ويجعل المجتمع مترابط اكثر واكثر وانا اشهد والله ويعم بالسعاده على افراد المجتمع لأنك تعطي المتحدث جوه وهو يحبكـ لانه يحسبك متحمس مع سالفته . . وهذا الشي يجعل المجتمع يسود بين ارجآئه المحبه والألفه . . انا شخصيا ما احب بتاتا اللي يسلكلي اذا كنت اقول قصة ومتحمس بس احب اللي يسلكلي في وقت الازمآإت وانا انكت بس ! . . [ زي مره قلت نكته في فصلنا وماضحك منها الا وآإحد طبعا واضح انه يسلكلي بس اهم شي انه طلعني من الاحرآج . . وبصرآحه حبيته من بعد ذآك اليوم ] لكنه بعد الدراسة سحب زيه زي غيره

1- لازم تسلكـ بس مو مره يعني على خفيف ولا تسلكلي ابد وانا اقول قصة عشان ما ازعل

2- لاتنكت وآجد ولاتسولف وآجد لان بيجي اليوم اللي يزبدون لك الناس فيه

3- يجب عليكـ التحلي بـ الاخلاق السعوديه ولازم تزبد

خلاص بس

-

-

-

-

سلآلآلآلآلآلآمـ